Кәмелетке толмағндар арасында құқық бұзушылықтардың алдын алу жөніндегі 2023-24 жылдарға арналған арнайы іс-шаралар жоспары бекітілді. Онда жасөспірімдер ортасында жасалатын қылмыстарды анықтау, жолын кесу және алдын алу шаралары қарастырылған.
Бүгінгі таңда әрбір мектеп пен колледжге учаскелік полиция, ювеналды және криминалды полиция қызметкерлері бекітілді. Олар жат әрекеттер жасауға бейім жасөспірімдер арасында 300-ден астам неформалдық лидерлерді анықтады. Олар ішкі істер органдарының ерекше бақылауына алынды.
Кәмелетке толмағандардың құқықтық сауаттылығын арттыру мақсатында аумақтық полиция департаменттерінің бастықтары мектеп және колледж оқушыларымен кездесулер өткізді. Жасөспірімдерге әкімшілік және қылмыстық жауапкершілікке тартылуы туралы түсіндірілді.
- Бас прокуратураның басшылығымен барлық елордалық мектептерді тексеру басталды. Әр түрлі ведомствалардың 70-тен астам қызметкері жұмылдырылды. 98 мемлекеттік мектеп, 54 жеке меншік, 3 Назарбав зияткерлік мектебі, 4 республикалық, 3 түзету және 5 BINOM мектептері тексерілді. Ол қараша айының соңына дейін аяқталады,- деді ҚР ІІМ ӘПК төрағасы Қайсар Сұлтанбаев.
Сонымен қатар 26 қазаннан 2 қарашаға дейін еліміздің барлық аумағында балалар арасында құқық бұзушылықтардың алдын алуға бағытталған жедел профилактикалық іс-шарасы өткізіліп жатыр.
Іс-шара басталғалы бері:
- 239 ұсақ бұзақылық;
- оқушылардың алкогольдік мас күйде болуының 64 фактісі;
- мектептер маңында 3,5 мыңнан астам жол жүрісі қағидасын бұзу анықталды.
Жалпы елде өткен аптада балалар арасындағы құқық бұзушылықтардың алдын алу бойынша 800-ден астам жергілікті рейдтік іс-шаралар өткізілді. Оның нәтижесі бойынша балалардың түнгі уақытта ойын-сауық орындарында және тұрғын үйден тыс жерде болғаны үшін 2,5 мыңға жуық ата-ана (ӘБҚтК-нің 442-бабы) және мекемелердің 27 иесі (ӘБҚтК-нің 132-бабы) жауапкершілікке тартылды. 302 ата-ана баларды тәрбиелеу міндеттерін орындамағаны үшін, сондай-ақ 57 ата-ана кәмелетке толмағандардың алкоголь ішкені үшін жауапқа тартылды.
55 жасөспірім ұсақ бұзақылық жасағаны үшін айппұл төледі. Түнгі уақытта көшеде ұсталған 92 жасөспірім бейімдеу орталықтарына орналастырылды. Кәмелетке толмағандардың істері жөніндегі комиссияларда 96 материал қаралды. 16 ата-ана құқтарынан айырылды және шектетілді. 7 жасөспірім девиант мінез-құлқы бар баларға арналған арнайы мектептерге жіберілді.
-Егер сіз кәмелетке толмағандарға қатысты құқық бұзушылық фаутілері туралы білсеңіз немесе сіз бала болсаңыз және өзіңізге қатысты зорлық-зомбылық орын алса – үндемей қалмаңыз! Сіз полицияға 102 немесе 111нөмерлері бойынша хабарласуыңыз керек. Көрсетілген телефондар арқылы сіз тәулік бойы ақпараттық, консультациялық, психологиялық көмек пен қолдау ала аласыз. Біз отбасыы мен балалардың қорғаушысы болуымыз керек. Есіңізде болсын, бөтен бала болмайды, егер сіз бүгін бейтаныс балаға көмектесіп, қорғасаңыз, ертең сіздің де балаңызға біреу көмектеседі, - деді ҚР ІІМ ӘПК төрағасы